KUSHTET & TERMAT (TERMS & CONDITIONS)

1.1 Përgjegjësia e Xix për dëmtime

Xix merr përgjegjësi vetëm për dëmtime të shkaktuara nga ekipi gjatë punës.

1.2 Objekte të dobësuara ose të amortizuara

Për objekte të dobësuara, të amortizuara ose gati për t'u prishur, Xix nuk mban përgjegjësi të plotë, por bën përpjekje maksimale për t'i riparuar ose përmirësuar.

1.3 Sendet e reja

Për sende të reja, çdo dëm vlerësohet për t'u kompensuar sipas faturës dhe kostos së riparimit.

1.4 Objektet që duken të rregullta

Kur objekti duket i rregullt, por prishet gjatë punës, Xix nuk mban përgjegjësi të plotë, por përpiqet ta rregullojë sa të mundet.

1.5 Marrëdhënia me klientin

Marrëdhënia me klientin bazohet te besimi i ndërsjellë. Nëse klienti nuk pranon kushtet, mund të zgjedhë të mos vazhdojë bashkëpunimin.

2.1 Objektet e përdorura

Për objekte të përdorura, vendos Xix sipas gjykimit profesional, me transparencë dhe mundësi diskutimi me klientin.

2.2 Objektet e reja

Për objekte të reja, kompensimi bazohet vetëm tek fatura + kosto riparimi/zëvendësimi.

2.3 Dëme minimale ose aksidente

Për dëme minimale ose aksidente (deri në 100 €), Xix nuk paguan totalin, por përpiqet ta rregullojë ose përmirësojë pjesërisht situatën.

2.4 Rastet pa dakordësi

Për rastet pa dakordësi, vendos gjykata.

3.1 Metodat e pagesës

Pagesa mund të bëhet paraprakisht nëse Xix e kërkon për rezervim ose pas shërbimit, sipas dëshirës së klientit, por gjithmonë e detyrueshme.

3.2 Mjetet e pranueshme të pagesës

• Cash (para në dorë)
• Transfertë bankare
• Crypto (kriptomonedha)

3.3 Ndryshimi i çmimeve

Çmimet mund të ndryshojnë, por rezervimet e konfirmuara nuk preken.

3.4 Konfirmimi i rezervimit

Rezervimi bëhet në momentin që klienti pranon kushtet.

3.5 Ndryshimi i datës së pagesës

Ndryshimi i datës mund të kushtojë 30% të vlerës nëse Xix nuk aprovon falas.

3.6 Obligimi i pagesës

Pagesa mbetet e detyrueshme gjithmonë, edhe nëse klienti nuk është i kënaqur me shërbimin.

3.7 Standardi i Shërbimit dhe Pagesa

Xix Albania kryen shërbimet sipas standardeve të saj profesionale dhe procedurave të brendshme të cilësisë.

Për shkak të natyrës së shërbimit, prania e elementeve minimale ose papërsosmërive të izoluara që nuk ndikojnë në rezultatin e përgjithshëm nuk e konsideron shërbimin të papërfunduar.

Përfundimi i shërbimit dhe përmbushja e standardit të cilësisë vlerësohen nga Xix Albania.

Klienti nuk mund të mbajë, vonojë, reduktojë ose refuzojë pagesën për mangësi minimale që nuk ndikojnë në cilësinë e përgjithshme të rezultatit.

Në rast se Xix Albania vlerëson se rezultati nuk përmbush standardet e saj, kompania mund të ofrojë, sipas gjykimit të saj, përmirësim të shërbimit, kreditim, zbritje ose një zgjidhje tjetër të përshtatshme.

Çdo formë kompensimi, zbritjeje, krediti, oferte promocionale ose përfitimi tjetër mbetet ekskluzivisht në diskrecionin e Xix Albania.

Detyrimi për pagesë lind me përfundimin e shërbimit sipas standardeve të Xix Albania.

4.1 Rezervime të vjetra

Për rezervime të vjetra → njoftim 72 orë përpara.

4.2 Rezervime brenda 48 orëve

Për rezervime brenda 48 orëve → njoftim 24 orë përpara.

4.3 Anulimet jashtë afateve

Anulimet jashtë afateve → pagesa nuk rimbursohet; nëse nuk ka pagesë paraprake, klienti duhet të paguajë 40% të vlerës së shërbimit.

4.4 Procesi i anulimit

Anulimi duhet bërë nga klienti vetë; Xix mund të telefonojë për konfirmim dhe siguri.

4.5 Mungesa e klientit

Nëse personeli mbërrin dhe klienti nuk është prezent, shërbimi konsiderohet i kryer, pagesa nuk kthehet.

4.6 Përputhja me kushtet

Çdo ndryshim ose anulim duhet të jetë në përputhje me kushtet e rezervimit dhe pagesës që klienti ka pranuar.

5.1 Kushtet e ndryshimit

Ndryshimi i datës mund të bëhet, por:

5.2 Kërkesa për pagesë

Ndryshimet nuk mund të bëhen kurrë pa pagesë nëse Xix nuk aprovon.

5.3 Procesi i ndryshimit

Çdo kërkesë për ndryshim duhet të bëhet nga klienti; Xix mund të kërkojë konfirmim telefonik, me fleksibilitet.

5.4 Disponueshmëria

Ndryshimi i datës varet nga disponueshmëria e stafit dhe orari i Xix.

5.5 Kushtet bazë

Çdo ndryshim date apo anulim bazohet te kushtet e rezervimit dhe pagesës që klienti ka pranuar.

Për të ruajtur standardet tona të cilësisë dhe efikasitetin operacional, Xix Albania kërkon akses ekskluziv në ambientet e punës gjatë kryerjes së shërbimit të planifikuar.

Prania e klientëve, kontraktorëve, teknikëve ose palëve të tjera të treta mund të ndikojë në rrjedhën e punës, organizimin e stafit, planifikimin dhe logjistikën e kompanisë. Çdo vonesë e shkaktuar nga përdorimi i ambienteve të punës ose nga aktivitete të tjera të zhvilluara paralelisht në objekt mund të kërkojë riorganizim të programit të punës, zgjatje të orarit të stafit dhe kosto shtesë operacionale.

Për këtë arsye, vonesat e tilla mund të tarifohen deri në 1000 ALL /orë, në varësi të madhësisë së ekipit të angazhuar dhe ndikimit që kanë në organizimin e shërbimeve të planifikuara nga Xix Albania.

Nënshkrimi elektronik ka të njëjtën vlefshmëri dhe efekt juridik si nënshkrimi fizik.

Për këtë arsye, Xix Albania pranon rezervime vetëm përmes sistemit të saj elektronik të rezervimit dhe nënshkrimit.

Duke konfirmuar rezervimin, klienti pranon se ka lexuar, kuptuar dhe pranuar Kushtet e Shërbimit përpara angazhimit të Xix Albania.

Nëse klienti nuk pajtohet me Kushtet e Shërbimit, rezervimi nuk duhet të konfirmohet.